Изьватаслӧн мӧд муясӧ мунӧм вӧлі ёнджыкасӧ йитчӧма кӧр видзан йирсянінъяс тырмытӧмкӧд да налӧн омӧльтчӧмкӧд. Помкаӧн лоис и 19 нэм помын сибирса язва эпидемия понда скӧт усьӧм. Мӧдлаӧ овмӧдчан туйяс пиысь ӧтиӧн вӧлі Кола кӧдж, а мӧдӧн – Изсай. Сы вылӧ видзӧдтӧг, мый йитӧдыс важ чужан мукӧд ньӧжйӧ вошис, изьватас быдлаын кужисны видзны ассьыныс кыв, культура да асьныссӧ изьватасӧн кылӧм-чайтӧм.