Туризм да нималанторъяс

Ямал-Яран асвеськӧдлан кытшса Приуральскӧй, Шурышкарскӧй, Пуровскӧй районъяс

Вӧр-ва нималанторъяс:

«Полярно-Уральский» вӧр-ва парк. Лӧсьӧдӧма 2014 воын «Горнохадатинскӧй» да «Полярно-Уральскӧй» заказникъяс ӧтувтӧмӧн. Став мутаслӧн ыдждаыс 310 сюрс гектар, на пиысь унджыксӧ босьтӧ «Горнохадатинскӧй» мутас. Вӧр-ва паркын эм геология и история боксянь некымын видзан объект. Шуам, ГУЛАГ-лӧн объектъяс – Харбей рудник да 501-ӧд стрӧйкалӧн кӧрт туй (Кулан туй), кӧні уджалісны пукалысьяс.

Хадата-Юган-Лор (Хадатаёганлор) тыяс. Найӧ меститчӧмаӧсь «Полярно-Уральскӧй» вӧр-ва парк мутасын, а пырӧны «Горнохадатинскӧй» биологическӧй заказникӧ.

Нефрит ковтыс. Меститчӧма Салехардысь 100 километра войвылынджык. Нефритӧн сійӧ нимтісны сы понда, мый аддзисны татысь турунвиж нефритлысь ыджыд куйлӧд. Ковтыслӧн медмича инъясысь ӧти — Нырдвомэн-Шор, стӧч тані меститчӧма «Нефритовӧй» нималана бузган, сылӧн некымын 2-10 метраа ва киссян тшупӧд. Тӧвнас бузганыс кынмӧ,и артмӧ зэв мича бирюза рӧма йи бузган.

«Собты-Юганскӧй» заказник. Меститчӧма Собты-Юган ю ковтысын Приуральскӧй да Шурышкарскӧй районъяс мутасын. Ыдждаыс 358 сюрс гектар.

«Куноватскӧй» заказник. Месьтитчӧма Шурышкарскӧй районын, ыдждаыс 250 сюрс гектар.

История да культура боксянь нималанторъяс:

Салехард. Ямал-Яран асвеськӧдлан кытшлӧн юркар. Карлӧн история нимыс — Обдор (Обдорск). Салехард — мирын дзик ӧтка кар Полюс вылын. Карын зэв уна (орччӧдны кӧ карлӧн ыдждакӧд да олысь лыдкӧд) музей да памятник. На пӧвстын «66 параллель» стела, Победа Парк, «Мамонт» скульптура композиция, автомобилистъяслӧн сквер, «Салехард» стела, «Земля» фонтан и уна мукӧдтор.

Музейяс да культура учреждениеяс:

Ямал-Яран кытшса И. С. Шемановский нима музейно-выставочнӧй комплекс. Сибырса медваж музейясысь ӧти. Инпас: Салехард кар, Чубынин ул., 38.

«Обдорский острог» историко-архитектура комплекс. Ӧнія историко-культура комплекс, стрӧитӧма важъя крепость моз. Стрӧитӧма важъя технология серти ни ӧти кӧрт тувтӧг. Обдорса тюрьма пуктіс подувсӧ ӧнія Салехардлы и сэкся кадӧ вӧлі медся войвыв тюрьмаӧн Сибырын. Инпас: Салехард кар, Солнечнӧй м/р, 21. Сайт.

Г.С. Пузырёв нима Шурышкарскӧй музей комплекс. Комплексӧ пырӧны Шурышкарскӧй районса музей, Овгортса краеведческӧй музей, «Живун» природно-этнографическӧй парк-музей, «Коми керка» керка-музей. Сайт.

Приуральский районса краеведческӧй музей. Инпас: Аксарка с., Первомайскӧй ул., 28. Сайт.

Пуровскӧй районса историко-краеведческӧй музей. Инпас: Тарко-Сале кар, Республика ул., 17, 19. Сайт.

Котыртӧм туръяс да меститчанінъяс:

Visit Yamal. Сайт.

Yamalia Land. Сайт.

Discover Yamal. Сайт.

Салехардын туй морт керкаяс.

«Уют» туй морт керка. Инпас: Мыжы с., 50 лет Победа ул., 5. Тел.: +7 (34994) 2-23-21.

«Ермак» ичӧт туй морт керка. Инпас: Мыжы с., Ленин ул., д. 8. Тел.: +7 (34994) 21-0-20.

«Хон-Юс» чери кыян-вӧралан база. Инпас: с. Аксарка. Сайт.

Pages: 1 2 3 4 5