Нималана изьватас

Батманов Василий Фотиевич (1891-30.11.1918) – Коми муын сӧвет власьт сувтӧдӧмӧ зэв зіля пырӧдчысь. Чужліс Мокчой сиктын. Участвуйтіс медводдза мирса тышын, а гортӧ локтӧм бӧрын 1918 воын пырӧдчис революционнӧй тышӧ. Вӧлі бӧрйӧма Сӧветъяслӧн уездса исполкомӧн веськӧдлысьӧн. Усис тышын. Чилимдінын сылы пуктӧма памятник. Ӧшмӧс: КР энциклопедия, 1 том, 248 лб.

Истомин Петр Анисимович (1861-29.05.1919) – медводдза коми летчик, Медводдза мирса тышын, Петроградын Октябрьса революцияын да гражданскӧй тышын участвуйтысь. Чужліс Архангельск губернияса Печӧра уездлӧн Уквавом грездын. Сыктывкарса аэропортлы сетӧма П. Истоминлысь ним.  Ӧшмӧс, ӧшмӧс, ӧшмӧс.

Филиппов Василий Ионикиевич (01.01.1924-07.01.1987) – советскӧй военачальник, генерал-лейтенант. Чужліс Изьва сиктын. Вӧлі военнӧй советникӧн Кубаын, Йеменын. Афганистанын вӧлі мешӧр военнӧй советникӧс вежысьӧн. Наградитӧма СССР-са 8 орденӧн, Йеменса, Афганистанса, Болгарияса, Монголияса орденъясӧн, а сідзжӧ советскӧй да суйӧрсайса медальясӧн. Ӧшмӧс: КР энциклопедия, 3 том, 247 лб.

Хатанзейский Андрей Гурьевич (21.10.1923-14.02.1945) – Советскӧй Союзса Герой. Чужис Мокчой сиктын. Ыджыд Айму вӧсна тышса участник, 1942 вося кӧч тӧлысьсянь. Сражайтчис Донскӧй, Степнӧй, 2 да 3 Украинскӧй фронтъясын. Мездіс Украина, Молдавия, Болгария, Югославия. Усис тышын Венгрияын. Наградитӧма Ленин, Красная Звезда орденъясӧн, медальясӧн. Ӧшмӧс: КР Энциклопедия, 3 том, 262 лб.

Чупров Александр Ефимович (30.09.1925-30.09.1944) – Советскӧй Союзса Герой. Чужис Кипъёв сиктын. Айму вӧсна Ыджыд тышса участник. Сражайтчис 1 да 2 Украинскӧй фронтъясын. Усис тышын Румынияын. Ӧшмӧс: КР Энциклопедия, 3 том, 292 лб.