Наука да велӧдӧм
Алексюк Владимир Николаевич (02.01.1939-05.09.2018) – математик, физика-математика наукаяс кандидат, профессор, Коми педагогика институтын математика анализ кафедраӧн веськӧдлысь. Чужліс Шелляюр посёлокын. Мешӧр туялан темаяс: мера теория, множествояс теория подувъяс. Ӧшмӧс.
Бабушкин Александр Иванович (25.09.1904-12.08.1962) – ученӧй-экономист. Чужліс Букур сиктын. 1925-1937 воясын уджаліс Коми областнӧй план комиссияын видз-му овмӧс юкӧнӧн веськӧдлысьӧн да облпланса веськӧдлысьӧс вежысьӧн. Пуктіс ыджыд пай Коми асвеськӧдлан обласьтлысь видз-му овмӧс да экономика сӧвӎӧдан концепция дасьтӧмӧ да вит вося планъяс лӧсьӧдӧмӧ. Медшӧр туялан темаяс: Коми асвеськӧдлан обласьтлӧн да Большеземельскӧй тундралӧн экономика. Репрессируйтӧма 1937 воын. Реабилитируйтӧма 1955 воын. Ӧшмӧс.
Игушев Евгений Александрович (11.03.1939) – коми кыв туялысь, филология наукаяс доктор, профессор. Чужис Пожня грездын. 1973 восянь уджаліс Сыктывкарсам канму университетын. 1991 воын Тарту университетын дорйис филология доктор ним вылӧ диссертация (коми кывйын морфология категорияяслӧн стилистика). Некымын во велӧдіс коми кыв Уппсала университетын (Швеция). Фин-йӧгра туялысьяслӧн войтыркостса котырӧ пырысь (Хельсинки, Финляндия), Хунгарологъяслӧн войтыкостса котырӧ пырысь (Будапешт, Венгрия). Ӧшмӧс.
Истомин Михаил Федорович (01.11.1821-07.12.1862) – историк, краевед, кыв да фольклор туялысь, поэт, «Архангельскӧй губернскӧй ведомостьяс» редактор, коми кыв да театр йылысь 30 статья автор. Чужліс Изьва сиктын. Тӧдіс некымын кыв: коми, роч, латынь, грек, француз. «Ягморт» предание сюжет медводдза йӧзӧдӧмлӧн автор (1848). Ӧшмӧс, ӧшмӧс.
Казановский Евгений Степанович (18.02.1938) – ветеринар наукаяс доктор. Чужис Коми АССР-са Печӧра районлӧн Песчанка посёлокын. 1970 воын дорйис «Изучение токсичности руелена и байтекса для северных оленей» кандидатскӧй диссертация. Уджаліс кӧръяслӧн лӧдзьясысь висьӧмъяс вылын да наысь бурдӧдӧм да видзчысьӧм вылын. Уджалігас йӧзӧдіс 60-ысь унджык туялан статья ветеринария серти. 1990 воын дорйис «Ветеринарно-санитарное обоснование применения фосфорорганических инсектицидов в оленеводстве, их токсичность для оленей и эффективность при эдемагенозе» докторскӧй диссертация. Наградитӧма ВДНХ-лӧн бронза медальӧн, СССР-са Минсельхоз бердын вредительяскӧд, быдмӧг висьӧмъяскӧд да ёгтурунъяскӧд химия отсӧгӧн тышкасьӧм нуӧдан Канму комиссиялӧн аттьӧалӧмӧн, Коми АССР-са Минсельхозсянь, СССР, ВЦСПС и ЦК ВЛКСМ-са, ЦК КПСС-са Министръяс Сӧветсянь, Россия Федерацияса Минсельхозсянь да Россельхозакадемиясянь, Коми Республикаса Минсельхозсянь, а сідзжӧ Северо-Восточнӧй научно-методическӧй шӧринсянь да Коми наука шӧринлӧн видз-му овмӧс институтсянь Почёт грамотаясӧн. Ӧшмӧс, ӧшмӧс.
Канев Виктор Федорович (15.03.1939-10.09.2008) – ученый, педагог, педагогика наукаяс доктор, профессор, педагогика велӧдӧм серти международнӧй наука академияса академик, Россия Федерацияса Вылыс тшупӧда школа нимӧдана уджалысь, Коми Республикаса традиционнӧй ремеслояс кузя мастеръяслӧн котырӧ пырысь, Коми ремесленнӧй палатаын наука сӧветӧн веськӧдлысь. Чужліс Яран асвеськӧдлан кытшса Каратайка посёлокын. 1964-1967 воясын уджаліс велӧдысьӧн Оксино сиктын, сэсся Печӧра районса Гӧрд Яг да Кожва школаясын велӧдысьӧн да директорӧн. 30 во уджаліс Коми канму пединститутын. Ӧшмӧс: КР энциклопедия, 2 том, 59 лб.
Канев Гений Васильевич (06.01.1937-06.04.1992) – ученӧй-экономист, экономика наукаяс доктор, Коми АССР-са наукаса нимӧдана уджалысь. Чужліс кыдзкар грездын. Дорйис «Пути повышения рентабельности совхозного производства» кандидатскӧй диссертация, «Экономические проблемы сельского хозяйства Северного экономического района» докторскӧй диссертация. 1992 воын лоис Коми наука шӧринса Войвылын экономическӧй да социальнӧй мытшӧдъяс институт директорӧн. Ӧшмӧсъяс: КР энциклопедия, 2 том, 59 лб; Люди науки. Серия. Гений Васильевич Канев. Страницы биографии ученого экономиста-аграрника. Сыктывкар, 1993. 34 с.
Кузнецова Татьяна Леонидовна (10.05.1959) – литература туялысь, филология наукаяс кандидат, Коми наука шӧринын Кыв, литература да история институтса литературоведение юкӧдса ыджыдджык туялысь да веськӧдлысь. Чужис Кулим грездын. «Наследие» наука журналлӧн редколлегияӧ пырысь, РГНФ-са экспертнӧй комиссияӧ пырысь, «Войвыв кодзув» журналын йӧзӧдчысь авторъяс костын «Эзысь борд» литературнӧй конкурслӧн жюриӧ пырысь. Ӧшмӧс, ӧшмӧс.
Рочев Николай Никитич (22.05.1922-02.09.2004) – коми история туялысь, история наукаяс кандидат, Коми наука шӧринысь Кыв, литература да история институтса медводдза веськӧдлысь (1970–1985). РСФСР-са культураын нимӧдана уджалысь, Коми АССР-са народнӧй овмӧсса нимӧдана уджалысь. Чужліс Кыдзкар грездын. Веськӧдлӧма Фин-йӧгра туялысьяслӧн VI ставмирса конгресслӧн дасьтӧмӧн да нуӧдӧмӧн. Наградитӧма Айму вӧсна Ыджыд тыш II тшупӧда кык орденӧн, Уджвывса Гӧрд Дӧрапас орденӧн, Гӧрд Дӧрапас орденӧн, «Заслугаясысь эзысь крест» орденӧн (Польша), «Германия вермӧмысь» да «Сталинград дорйӧмысь» медальясӧн, «Вӧрӧг водзын повтӧмлунысь» медальӧн (Чехословакия). Ӧшмӧс: КР энциклопедия РК, 2 том, 559 лб.
Рочев Петр Андреевич (18.10.1913-08.06.1991) – советскӧй учёный, видз-му наукаяс доктор, ВАСХНИЛ-са член-корреспондент. Чужліс Мокчой сиктын. Вӧлі ВАСХНИЛ Президиумса Войвыв мытшӧдъяс серти комиссияса членӧн. Нималана ученӧй Печӧраса войвылын йӧла скӧт видзӧм кузя. Уджавліс наука туялысьӧн скӧт видзӧм серти войвыв краевӧй опытнӧй станцияын. Коми АССР-са Наркомземлӧн Печӧраса видз-му овмӧс опытнӧй станцияса директор (1935–1942). Участвуйтіс Айму вӧсна Ыджыд тышын. Ылі Войвылын видз-му овмӧс серти НИИ-лӧн Нарьян-Марса видз-му овмӧс опытнӧй станцияса директор (1946–1988). РСФСР-са и СССР-са нимӧдана зоотехник. Наградитӧма Александр Невский орденӧн, Айму вӧсна Ыджыд тыш I тшупӧда кык орденӧн, Уджвывса Гӧрд Дӧрапас орденӧн, Гӧрд Звезда орденӧн, Октябрьса Революция орденӧн, Дружбы народов орденӧн. Ӧшмӧс, ӧшмӧс, ӧшмӧс.
Рочев Юрий Герасимович (07.03.1936-29.10.1995) – коми фольклор да литература туялысь, филология наукаяс кандидат. Чужліс Шурышкар районса Мыжы сиктын. Пырӧдчис «Коми йӧзкостса сьыланкывъяс» куим небӧга удж (1966, 1968, 1971), «Коми литературалӧн история» куим небӧга монография (1980) гижӧмӧ.Ӧттшӧтш В. И. Лыткинкӧд дасьтіс йӧзӧдӧм вылӧ И. А. Куратовлысь гижӧдъяс. Ӧшмӧс, ӧшмӧс.
Сметанин Александр Франсович (24.04.1949-06.12.2010) – история туялысь, история наукаяс кандидат, доцент. Чужліс Кельчиюр сиктын. 1994 восянь — Коми наука шӧринса веськӧдлысьӧс вежысь и тшӧтш 1996 восянь — Коми наука шӧринысь Кыв, литература да история институтса веськöдлысь. Наградитӧма “Дружба народов” орденӧн. Коми Республикаса нимӧдана уджалысь. Кыкысь вӧлі Республикаса веськӧдлан котырлӧн премия лауреат. Сылы сетӧма «Почетный гражданин с. Кельчиюр» ним. Ӧшмӧс, ӧшмӧс.